Angela Vilariño eta Alazne Apalantza osatutako bikoteak, Aramaixoko Rallysprintaren 10. edizioan lortu zuten denboraldiko 4. garaipena, WRC kotxearekin jarraian lortutako 3. garaipena. Honela rallysprinten txapelketan Joxe Labakarekiko duten diferentzia, beste apur bat murriztea lortu dute. Hauxe izan zen hain justu Aramaixon bigarrena, Labaka - Otaegi taldea, buruarekin korritutako lasterketa egin zuten eta Iker Gayoso, segundo biren tarteaz soilik mendean hartzea lortu zuten. Honela Ikerrek eta Eguzkiñek podiuma osatu zuten.

Errepidea nahiko laban egon zen egun osoan zehar, eguraldia nahiko ezegonkor egon baitzen. Lasterketa hasieran zorua bustita egon baldin bazen ere, bigarren txanparako lehortuz joan zen ibilbidea eta azkenekoen berriro ere euri apur bat bota egin zuen. Egoera hau dela eta istripu batzuk bizi izan ziren, baina ez zuten atzerapen handirik sortu.

Hankook kopako kotxeen artean, lehia polita ikusi ahal izan genuen, hainbat gidari oso azkar joan baitziren arratsalde osoan zehar. Hauen arten azkarrena Xabat Arrate izan genuen Opel Corsa GSi autoaz, bigarrena Andoni Blas Peugeot 106 kotxeaz eta hirugarrena Ruben Lapuente Peugeot 206-az.

Junior mailan, Ekaitz Ugalde gailendu zitzaien Ugaitz Basaras eta Ibon Arregiri eta hainbat multzoen arten hauek izan ziren irabazleak. 1.klasean Agirre-Gonzalez , 2. Klasean Arrate-Bereziartua, 3. Klasean Oteiza-Otaegi, 4. Klasean Ateka-Zatika, 5. Klasean Labaka-Otaegi, 6.klasean Vilariño-Apalantza. Formula libre kategorian 3 lehenak hauek izan ziren, Txus Jaio, Gorka Antxustegi eta Jokin Aiertza.

Honela bada, Eibarko Rallysprintan erabakiko dira aurtengo Rallysprint txapelketako txapeldunak, azaroaren 16an.

Alberto Alonso Autona txapelketako bigarren garaipena lortu du San Asensioko rallysprintan. Gidari askoren esanetan txapelketako ibilbide politena edo politenetariko zen hau, azkarra eta zoru onekoa. 21 taldek hasi zuten lasterketa, 18 bukatzea lortu zutelarik.

Esan bezala Alberto Alonso izan zen azkarrena Mitsubishi EVO VIII autoarekin, 3 txanpetatik bakarra irabaztea lortu zuen, baina honetan nahiko denbora tartea lortu zuen zabaltzea beste aurkariengan, eta erregularrena izanda, garaipena lortu zuen. Bere atzetik Jordi Nualart kataluniarra sailkatu zen Seat Ibiza bateaz. Honek ere azkeneko tramuan denbora onena lortu zuen meritu handiz gainera, maila handiagoko kotxeen aurka lortu baitzuen. Ohorezko postuak osatuz Marc Montaner sailkatu zen, hau ere kataluniarra, Renault Clio autoaz.

Lau gurpil trakziodunen arteko sailkapenean bigarrena Dani Estevez izan zen eta hirugarrena Ruben Garcia, biak Mitsubishi EVO IX kotxeekin. Eta bi gurpilen artekoan podiuma osatuz Oscar Saenz izan genuen Seat Ibiza 1.8T autoaz.

Txapelketa honek atsedena hartuko du abuztuan eta irailean itzuliko da Autoleko Rallyarekin.

Hemen duzue lehenengo hamarren sailkapena. Proba honen argazkiak hemen ikusi ditzazkezue.

Aitor Zabaleta bergararra poltsikoratu zuen beste urte batez gatzagako igoera. Eskoriatza eta Gasteiz artean dagoen Leintz - Gatzaga herriko maldetan jokatu zen proba hau. Eguraldi bikaina izan zen nagusi hasieratik bukaera arte eta giro politaz gozatu ahal izan genuen bertan izan ginenok. Zaletuen artean ere jarrera ona ikusi ahal izan genuen.

68 kotxe hartu zuten parte igoeran, 64 gidarik lasterketa amaitzea lortu zutelarik. Horietatik azkarrena Aitor Zabaleta izan genuen bere Lola BMW autoarekin. Garbi irabazi zuen Aitorrek,  12 segunduko tartearekin gailendu zitzaion Ruben Nogueiras oñatiarrari. Honela monoplazen sailkapena osatu zen, Aitor Errok ezin izan baitzuen parte hartu arazo mekanikoengatik.

Lasterketa honetan 3 igoera puntuagarri egin dira, eta horien artean bi txanda onenen denboren batuketa izan da kontutan hartu den denbora. Aurreko bien atzetik Aitor Ramirez oñatiarra sailkatu zen, 3. postua lortuz eta kotxeen arten lehenengoa izanda. Ez zuen erraza eduki, David Ardions oñatiarrarekin lehia polita izan baitzuen. Karrera bikaina egin zuen bere Mitsubishi autoarekin eta gauzak zailak jarri zizkion. Lehenengo igoeran denbora onena egin ostean, hurrengo bietan denbora okerragoa egin zuen bi akats egin baitzituen, atzeko autoblokantean arazo batzuekin ibili eta gero. Ibai Zarragak osatu zuen kotxeen arteko podiuma bere Ford Sierra beteranoarekin, hau ere lasterketa bikaina burutuz, hainbat denboraz  baztertuta ibili eta gero.

7 oñatiarrek eman zuten izena gatzagako igoeran, baina 6 izan genituen irteera puntuan. Josu Lertxundi ezin izan zuen bertan egon arazo mekanikoengatik. Besteen artean lasterketa nahiko ona, postu bikainak lortu baitzituzten lehen aipatu dugun bezala. Alde negatiboa Asier Mugarzak jarri zuen, entrenamenduen txanpan autoari kolpe bat eman baitzion eta lasterketa bertan behera utzi behar izan baitzuen. Sailkapen nagusiko bigarren, hirugarren eta laugarren postuak Nogueiras, Ramirez eta Ardions oñatiarrek lortu zituzten, beraz emaitza ezin hobeak lortutakoak. Hirurek ere euren kategorietan irabazleak izan ziren.

Hurrengo oñatiarra Aitor Arnaiz izan zen 17. tokian eta bere kategorian 4. azkarrena izanda bere Renault 5 Gt Turboarekin. Eta azkenik Asier Samaniego 35. postuan sailkatu zen eta bere kategoriako kotxeen artean 10. azkarrena izan zen.

Hemen duzue lehenengo hamarren sailkapena. Proba honen argazkiak hemen ikusi ditzazkezue.

Herceko Rallysprinta

Uztailaren 2an, Herceko herrian Autona txapelketako 2. proba  bizi izan genuen, Autona eskuderiak antolatuta. Herceko rallysprintaren 2. edizioa zen hau. Eguraldi bikaina eta 8km-ko tramua zuten parte hartzaileak aurretik. Aurtengo ibilbidea aurreko urtearekiko zenbait aldaketa zituen, aurreko parte batzuk, tarte berriekin konbinatuz. Tramuaren irteera puntua aldatu egin zen baita, asistentziako guneari leku apur bat kenduz eta kurba berri bat eginez herriko jendea inguratzeko eta bertan ikusteko lasterketa.

Egiaztapenetan, parte hartzaileen zerrendarekiko baja batzuk bageneuzkan. Adibidez, Serrat eta Oliver kataluniarrak ezin izan zuten bertan egon arazo familiarrengatik. Egoi Valdes ordea, bertan agertu zen bere Ford Fiesta Proto autoarekin baina lizentziarekin izan zituen arazo batzuengatik ezin izan zuen parte hartu. Beraz lasterketa irabazteko aukerak zituzten 3 pilotuk kanpoan ziren hau hasi aurretik.

Azkenean 22 pilotu ziren irteera puntuan. Lasterketa hasi eta zorte txarrarekin jarraituz, beste bi faborito nagusi 1. pasadako helmugara ailegatu baino lehen, erretiratu behar izan zuten arazo mekanikoengatik. Hauek Carlos Aldecoa eta Alberto Alonso izan ziren, biok Mitsubishi Evo VIII autoekin.

Honela bidea nahiko ondo utzi zioten Dani Estevez-eri bere Mitsubishi Evo IX-arekin. Honek ez zuen aukera pasatzen utzi eta 3 pasadetan denborarik onena egin zuen, lasterketa irabaziz. Honen atzetik lasterketa bikaina burutuz Marc Montaner kataluniarra sailkatu zen eta bere Renault Clio autoaz aurreko trakzioen artean lehena izan zen. Podiuma osatuz Javier Blanco Seat Ibiza Juniorraz, 3. postuan sailkatu zen.

Oñatiarrei dagokionez, bakarra izan dugu, Mikel Altuna. 1. tramua nahiko lasai hartu zuen azkenaldian kotxearekin izandako arazoengatik eta ondo bukatzea lortu zuen. Bigarrenean denbora hobetzen zihoala kurba baten zuhaitza baten kontra jo zuen atzeko gurpilarekin eta hau nahiko oker utzi zuen. Honela ibilbidea bukatzea lortu zuen eta asistentziaraino ailegatu ondoren erretiratu behar izan zuen.

Lasterketa hasi zuten 22 partehartzaleetatik 14 lortu zuten bukatzea. Hemen 10 lehenengoen sailkapena. Argazkiak hemen ikusi ditzazkezue. Autona txapelketaren hurrengo lasterketa, hilaren 23an San Asension.

Ekainaren 25an, Urkiolan, Durangalde Racing Elkarteak antolatuta, Euskadiko mendi igoeren txapelketako 4.probaz bizitzeko aukera izan genuen. Garai honetan normala den moduan eguraldi bikaina nabarmendu zen, agian bero gehiegi izanda une batzuetan. Izugarrizko jendetza bildu arazi zuen horrek eta  hasierako kurbak jendez gainezka aurkitzen ziren.

Hemen azalpentxo bat egin nahi dut eta komentatu jendea zegoela esaten dudanean, horrek ez nahi duela esan auto zaletuak zirenik. Hau baita azkenaldi honetan euskal automobilismoan  bizi dugun arazo handiena  eta Urkiolan arazoa areagotu egin zen. Inoiz ez nuke pentsatuko horrelakorik gerta zitekeenik auto lasterketa baten, eta hau esaten dut, hasierako kurba hauetan antolatzaile batzuek, “jende” hauen mehatxuak eta irainak izan ezik , izotz, lata eta harrien jaurtiketa bizi behar izan zituztelako.

Noraino heldu behar dugu? “Pertsona” hauek jendetza artean daudela aprobetxatuz, holako astakeriak egiten dituzte, baina gero harria bota eta eskua gordetzen dute… jarrera benetan lotsagarria, eta honela koldar hutsak direla besterik ez dute baieztatzen. Hortaz aparte aurreko egunetik ibilbidearen bazterretara mozkortzera joan eta dena zaborrez gainezka ustearekin nahikoa  ez dutenez,  lasterketako errepide horretan  euren kotxeekin ergelarena egin eta arriskuan jartzen dute bertatik kotxean pasatzen den  jendea, bizilagunak eta antolatzaileak, istripuak sortuz. Honek normala den moduan bizilagunen kexak pizten ditu eta arazo gehiago ekartzen ditu baimenak eskatzerako orduan, antolatzaileendako lana handituz.

Nahiko lana izaten da honelako proba bat aurrera ateratzen, bidean oztopo gehiago jartzeko oraindik. Ulertezina eta onartezina da proba hau aurrera ateratzen laguntzen dabilen jendearen kontra egitea, eta beren lana oztopatzea. Hori baita egiten ari direna, antolatzaile eta laguntzaileen lana oztopatu. Honela lasterketa hauek desagertzea besterik ez dute lortuko. Beraiei ez zaie asko inportatuko kirol hau ez baitzaie gustatzen, baina kirol hau benetan maite dugunok, benetan sentituko dugu kirol honen desagerpena gure lurretan.

Pentsaezina da honelako egoera baten aurkitzea, baina denon artean eta autoritateen laguntzarekin ez badugu laster ezer egiten, hau da kirol honen etorkizuna. Antolatzaileok ez baitugu horrelako probarik egiteko ilusiorik izango.

Gai honekin bukatzeko eta egoera honek zentzurik ez duela ikusteko, beste kirolekiko konparatu mometu batez. Imajinatu txirrindulari lasterketa, atletismo proba  edo triatloi baten gaudela. Baten bati bururatuko zitzaion bidegurutzetan edo zirkuituan laguntzen dauden petodunei iraintzen hastea? Edota kotxeetan doazen eta helmuga puntuan dauden kiroltasun komisarioen aurka gauzak jaurtitzea? Nire ustetan, zoritxarrez,  antolatzaile eta laguntzaileen kontra egiten den kirol bakarra gurea da…

Guzti hau alde batera utziz eta kirol arloari dagokionez, arratsalde polita bizi izan genuen. Ez zen egon arazo handirik eta igoera nahiko arin joan zen. Sergi Pañella izan zen azkarrena helmuga puntuan 1:47,689 denborarekin. Monoplazetan  bigarrena Joseba Iraola izan zen 1:57,864 eginaz eta hirugarrena 2:02,337 denboraz Xabi Quesada kataluniarra.

Kotxeen artean Aitor Ramirez oñatiarra izan zen garaile 1:56,021 denborarekin, bi kategoriak kontutan hartuta 2. postuan sailkatzea lortuta. Turismoen artean bigarrena Aitor Arakistain izan genuen 1:57,840 eginaz eta podiuma osatuz Lebeiti, etxeko lasterketan 1:58,613 denbora lortuta.

Monoplazen kategorian distantziak nahiko handiak izan baziren ere, kotxeen artean postu asko erabaki ziren dezima gutxiengatik. Honen adibide 4. postua lortzeko borroka, Ander Corcuera eta Josu Lertxundiren artekoa alegia. Anderren alde erabaki zen 0,064 aldearengatik bakarrik.

Lasterketan 3 oñatiar izan genituen guztira irteera puntuan. Aitor Ramirez eta Josu Lertxundiren postua dagoeneko komentatu dugu, baina igoeran beste oñatiar bat izan genuen, Asier Samaniego. Hau 58.postuan sailkatu zen kotxeen artean.

Urkiolako igoeraren argazki galeria hemen ikusi dezakezue.

Bukatzeko, hemendik Durangalde Racing Elkartekoei gure animo guztiak eman nahi dizkiegu, lehen aipatu dugun "jende" horrek, hurrengo urtean Urkiolako Igoerarik ez egotea lortu bait du.

Besterik gabe, mendi txapelketako hurrengo hitzordua, Gatzagako Igoera izango da uztailaren 16an.

Maiatzak 14an jokatu zen San Prudentzio autokrossa, Mendiolako zirkuituan, Zuzpertu Eskuderiak antolatuta. Nahiz eta eguna nahiko lainotuta hasi, euria ez zen ageri izan egun osoan zehar eta egun aproposa egin zuen lasterketa bizitzeko. Hasieran pista nahiko umela eta lokaztua zegoen eta eguna igaro ahala lehortuz joan zen, nahiko lehorra bukatuz.

III mailan 5 kotxe bakarrik izan genituen lehian. Lehenengo bihurgunea pasatu ondoren, erabakita geratu ziren sailkapeneko hiru lehenengo postuak. Kurba hortik horrela irten eta ordena mantenduz bukatu baitzuten lasterketa. Lasterketa osoan euren arteko distantzia nahiko erosoak izan ziren eta postua galtzeko arriskurik ez zuten izan. Honela, helmugan sailkapena hurrengoa izan zen.

1. Juan Carlos Barredo - Formula JCB

2. Garikoitz Lucio - Yenbo PRV

3. Jesus Maria Llorente

Gorkak izandako arazoa eta gero, postu bat irabazi eta podiumeko azkeneko koskara igotzea lortu zuen. Bere aurretik Davidek bukatu zuelarik, nahiz eta momentu batzuetan Jose Luisek nahiko lanak eman zizkion postua mantentzeko, azkenean tartetxo bat ireki zuen bien artean eta eroso bukatu zuen lasterketa bigarren postu horretan. Beraz lasterketa bukaeran podiumeko postuak hiru hauek osatu zituzten. 1. Oscar Yrazu – Tenroj, 2. David Berasain – Nitokar Evo II, 3. Jose Luis Fernandez – Silver Car

Autokross txapelketako hurrengo hitzordua Uztailak 23 izango da Virgen Blanca sariarekin. Bestalde argazki erreportai guztia ikusi nahi izanez gero, hemen sartu zaitezkete.

Carlos Aldekoak irabazi zuen apirilak 2an Rioja Alta Racing Klubak antolatutako III. Ausejoko rallysprintan. Podiumeko postuak osatuz, Dany Estevez eta Jorge Del Cid sailkatu ziren.

Eguraldi eguzkitsua izan zen nagusi, horrek  jende ugari biltzea ekarri zuen Ausejo herri inguruan zegoen ibilbideko bihurgunetan. 11kilometro zuen tramuak eta parte hartzaileak eguerdian notak hartzeko pasada bat egin ostean, arratsaldean lasterketan 3 aldiz bete zuten ibilbidea.  

Lasterketa gogorra izan zen, lur gaineko gehienak bezala eta baja asko izan ziren. Lasterketa hasi zuten 23 gidarietatik 12k lortu zuten sailkatzea bakarrik. Geldiune luzeena lehenengo pasadan bizi izan zen, Ramon Oliver kataluniarrak bere Citroen C2 4x4 kotxearen aurreko gurpilan jotako kolpe baten ondorioz, baina gero ez zen egon beste traba garrantzitsurik lasterketa amaitu arte.

Albiste nabargarrienetako bat, Txus Jaio parte hartzaileen artean egotea izan zen. Birritan espainiako lur gaineko rallyen txapelketako txapelduna izandakoa, Citroen Ax 4x4 batekin irten zen proba honetara, lur gaineko lasterketa batera bueltatuz espainiako txapelketa utzi zuenetik.

Oñatiko pilotuen artean bestalde, Mikel Altuna eta David Ardions izan ziren irteera puntuan. Ez zuten izan zorte handiko eguna ordea. David-ek lehenengo tramuko hasierako kilometroetan apurtu zuen bertan estreinatutako Peugeot 205aren motorra eta bertan bukatutzat eman zuen bere lasterketa. Mikelek berriz, lehenengo tramua hasi baino lehen bere Opel Corsaren palierra hautsi egin zuen, baina bigarrengorako konpontzea lortu zuten. Hirugarrenean  ez zuen helmugara ailegatzea lortu, gurpil bat zulatu baitzuen.

Web diseinu berria

Itsura aldaketa egiten ari gara egunotan web gunea berrituz eta eguneratuz. Baliteke egun hauetan web gunearen atal guztiak ez egotea erabilgarri edo arazoren bat edukitzea une batzuetan. Hurrengo egunetan saiatuko gara lan guztiak bukatutzat ematen, baina oraingoz euskaraz egongo da bakarrik ikusgai. Espero dugu zuen gustukoa izatea, barkatu eragozpenak.

VI. Udana-ra Igoera

Oñatiko motor trabesia

Hondarribiko rallysprinta

Angela Vilariño gailendu zen martxoak 12n izandako V. Hondarribiko rallysprintan. Bere atzetik podiuma
osatuz Iker Gayoso eta Mattin Villares sailkatu ziren.

Bukatzeko hemen duzue 10 lehenengoen sailkapena.Argazkiak ikusteko hemen.