2016

Ñañarriko Rallysprinta
2016/04/18 Rallyak.eus


Berritasun nabarmenekin etorri da aurten Ñañarriko Rallysprinta, izan ere, ibilbide erabat berria izan du probak honakoan. Bertan azkarrenak, Iban Tarsicio eta Iñigo Peña izan dira, Mitsubishi EVO IX autoaz.

Nahiz eta eguna eguzkitsu hasi, lasterketa hasi baina ordubete lehenago sekulako euri jasa bota zuen, errepidea urez gainezka  eta nahiko labainkor utziz. Horrela jokatu zen lehenengo erlojupekoa, baina arratsaldea aurrera egin ahala, asfaltoa lehortuz joan zen. Hala ere, ibilbideko leku batzuetan bide bazterretatik ateratako lokatza ere bazen bidean eta gidariak argi ibili behar izan zuten.

Egoera honetan, Iban Tarsicio izan zen probetxu handiena atera ziona bere makinari. Zoru bustian eta ibilbidearen zati gehiena gorantza zela aprobetxatuz, bere Mitsubishi autoaren trakzioaz eta potentziaz baliatuta,  denbora onena ezarri zuen lehenengo erlojupekoan. 5 segunduko atzerapenarekin, Ekain Eizagaetxeberria eta Maider Usandizagak (Mitsubishi EVO V)osatutako taldea eta Aingeru Castro eta Alaitz Urkiola (BMW M3)bikotea kokatu ziren 2.  eta 3. postuetan. Hauen atzetik, gidari asko zeuden lehian denbora tarte oso txikiaren barruan.

Lasterketako bigarren txanpan, Tarsicio eta Peñak bere lehen postua berretsi zuten, denbora onena lortu baitzuten oraingo honetan ere. Barrenetxea – Onaindia (Mitsubishi EVO IX)bigarren denbora onena lortu zuten oraingoan eta sailkapeneko goiko postuetara hurbiltzea lortu zuten. Hauen atzetik Eizagaetxeberria kokatu zen eta sailkapen orokorrean bigarrena mantentzen zen.

Azkeneko bueltan, Barrenetxea izan zen azkarrena eta podiumeko 3. tokiraino igotzea lortuz. Tarsiciok ez zituen arriskurik hartu azkeneko honetan, eta bere jarraitzaileekiko zuen distantzia gordez,  garaipena berea egin zuen. Eizagaetxeberria - Usandizagak lortu zuen bigarren postua eta Iñaki Alegria – Luis Zabalza (Ford Escort Cosworth) hirugarrena, baina bi hauek FL kotxeak direnez ez dira kontutan hartzen scratch sailkapenerako.

Hau kontutan izanda, azken sailkapena honela gelditu zen. Tarsicio – Peña lehenengo, Castro – Urkiola bigarren eta Barrenetxea – Onaindia podiuma osatuz. Hauen atzetik, lasterketa bikaina burutuz David Ardions- Iosu Agirre (Renault Clio Sport) eta Iñigo Olabegogeaskoetxea – Iñaki Narbaiza (BMW M3) sailkatu ziren.  

Maila ezberdinetako garaileak honako hauek izan ziren:

1. Maila: Ruben Lopez Guereñu - Oier Larrañaga (Citroen Saxo VTS)
2. Maila: Joseba Frutos - Aitor Frutos (Renault Clio Sport)
3. Maila: David Ardions - Iosu Agirre (Renault Clio Sport)
4. Maila: Aitor Hoyos - Andoitz Garmendia (BMW 325i)
5. Maila: Aingeru Castro – Alaitz Urkiola (BMW M3)
6. Maila: Iban Tarsicio - Iñigo Peña (Mitsubishi Lancer EVO IX)
9. Maila: Iosu Solozabal - Jose Mª Mantecon (Posche 911 SC)
10. Maila (FL): Ekain Eizagaetxeberria – Maider Usandizaga (Mitsubishi Lancer EVO V)
Junior Maila: Iker Arizti - Joseba Astondoa (Citroen Saxo VTS)

Atsedenik gabe, hurrengo hitzordua aste honetan bertan izango da. Rallye txapelketak hasiera emango du Lea Artibaiko probarekin..

Argazki galeria osoa hemen ikusgai


Goierriko Rallysprinta
2016/03/20 Rallyak.eus


Aingeru Castro eta Alaitz Urkiolak osatutako taldea izan zen irabazlea, atzo jokatu zen Goierriko Rallysprint .

Atzokoa, txapelketako bigarren proba puntuagarria zen, eta eguraldi euritsu baten azpian bizi izan genuen. Proba hau, txapelketako ibilbide luzeena eta zailenetakoa bada, botatako ur kopuruak  are gehiago zaildu zizkien lanak, parte hartu zuten talde guztiei.  Horren adibide garbia, izandako baja ugariak dira. Proba hasi zuten 74 taldeetatik, 21ek ezin izan zuten helmuga puntua gurutzatu, arazo ezberdinak direla medio.

Lasterketa hasieran Barrenetxea izan zen azkarrena, beste taldeekiko tarte zabala irekiz. Bigarrenak Castro eta Urkiola ziren, 25 segundura eta hirugarren Mattin Villares sailkatu zen 35 segundura. Podiumeko postutako borrokan, Iban Tarsicio kokatu zen, 3 postutik segundu bakar batera.

Barrenetxeak lasterketa erabat kontrolpean zuela ematen zuenean, bigarren erlojupekoan istripua izan zuen bere Mitsubishi autoaz eta lasterketa eten izan behar zuten, kotxetik su gar batzuk irteten hasi baitziren. Barrenetxea lasterketatik kanpo geratu ostean, Castrok  BMW M3 kotxeaz hartu zuen probako lidergoa, 27 segunduko abantailarekin. Bere atzetik gauzak ez ziren asko aldatu, bigarrena Villares zen Renault Clio Maxiarekin eta segundu bakar bateko atzerapenarekin Iban Tarsicio Mitsubishi Evo IX autoaz.

Azken erlojupekoa, gauez jokatu zen, bigarren txanpan  izandako geldialdiak eragindako atzerapenagatik.  Sailkapen nagusiko lehen postuetan ez zuen aldaketa handirik ekarri, izan ere, Aingeru Castrok ezarri zuen denbora onena eta honekin batera, garaipena baieztatu zuen. Podiumeko postuetako lehian, Mattin Vilares, Iban Tarsicio baina azkarragoa izan zen oraingoan eta horrela bigarren postua lortu zuen. Podiumeko 3. tokia beraz Iban Tarsiciorentzat izan zen. Hauen atzetik Peru Urkidi Citroen Saxoaz eta Asier Mugarza Renault Clio Autoaz sailkatu ziren.

Maila ezberdinetako garaileak honako hauek izan ziren:

1. Maila: Andoni Zabala - Mikel Mugika (Citroen Saxo VTS)
2. Maila: Peru Urkidi - Koldo Ugalde (Citroen Saxo VTS)
3. Maila: Eneko Ausin - Borja Ausin (Peugeot 205 GTI)
4. Maila: Adrian Gomez - Iker Lopez (BMW 325i)
5. Maila: Aingeru Castro – Alaitz Urkiola (BMW M3)
6. Maila: Mattin Villares- Andoni Blas(Renault Clio Maxi)
10. Maila (FL): Ekain Eizagaetxeberria – Maider Usandizaga (Mitsubishi Lancer EVO V)
Junior Maila: Jokin Madina - Jon Galparsoro (Citroen Saxo VTS)

Hurrengo hitzordua, Ñañarriko Rallysprinta izango da, apirilaren 16an, aurten ibilbide berriarekin.

Argazki galeria osoa hemen ikusgai


Legazpi-Gabiria Rallysprinta
2016/03/09 Rallyak.eus


Igandean hasi zen Euskadiko automobilismo denboraldia, Legazpia – Gabiria Rallysprintarekin. Enrique Barrenetxea – Arando eta Anartz Onaindian osatutako taldea, Mitsubishi EVO IX autoaz baliatuz, lortu zuten garaipena bertan.

Eguneko lehenengo orduetan,  ibilbidean elur geruza txiki bat ikusteak kezka batzuk sortu zituen arren , egunean zehar  egindako euriak, elur hori desagerrarazi zuen  eta proba inolako arazorik gabe hasi zen. Honen eraginez, ibilbide osoan zehar ur asko pilatu zen errepidean eta zoru oso labainkorrean jokatu zen proba.

Lehenengo erlojupekotik hartu zuen probaren lidergoa Barrenetxeak, Roland Holkekin 3 segunduko tartea zabalduz.  Bi hauen atzetik, Iban Tarsicio kokatu zen, beraz,  4 trakziodun kotxeak zeuden sailkapeneko podium postuetan.  Baina podiumeko 3. postuko borrokan, lehia estuagoa zen, izan ere segundu eta erdi baten barruan 6 talde genituen sailkatuta. Asier Mugarza, David Ardions, Txus Jaio, Iñigo Olabeagogeaskoetxea eta Aingeru Castro.

Ibilbideari emandako bigarren bueltan, Roland Holkek lortu zuen denbora onena, baina ez zuen lortu denbora tartea asko murriztea eta Barrenetxearengatik 3 segundura jarraitzen zuen sailkapen orokorrean. Iban Tarsicioak ordea, atzeko postuekiko tartea handitzea lortu zuen, eta azkeneko erlojupekoa falta zela 3 segunduko abantaila zuen Iñigo Olabegogeakoetxearekin.

Azkeneko txanpan, Barrenetxeak denbora onena egin eta rallysprinteko garaipena lortu zuen. Holkek bigarren postuari eutsi zion, eta aldaketa bakarra podiumeko azken postuan egon zan. Iban Tarsiciok kotxean izandako matxura mekaniko baten ondorioz, bertan behera utzi behar izan zuen lasterketa eta honen ordez, Aingeru Castrok sailkapeneko 3. posturaino igotzea lortu zuen.

Maila ezberdinetako garaileak honako hauek izan ziren:

1. Maila: Ruben Lopez Guereñu - Oier Larrañaga (Citroen Saxo VTS)
2. Maila: Joseba Frutos - Aitor Frutos (Renault Clio Sport)
3. Maila: David Ardions - Iosu Agirre (Renault Clio Sport)
4. Maila: Aitor Hoyos - Andoitz Garmendia (BMW 325i)
5. Maila: Aingeru Castro – Alaitz Urkiola (BMW M3)
6. Maila: Enrique Barrenetxea Arando - Anartz Onaindia (Mitsubishi Lancer EVO IX)
10. Maila (FL): Txus Jaio – Jesus Urkidi (BMW 325i)
Junior Maila: Jokin Madina - Jon Galparsoro (Citroen Saxo VTS)

Hurrengo hitzordua, Goierriko Rallysprinta izango da, martxoaren 19an.

Argazki galeria osoa hemen ikusgai



Suediako Rallya
2016/02/12 Rallyak.eus


Munduko egungo txapelduna, bere Volkswagen Poloaren gainean lortu du garaipena beste behin, elurra, izotza eta lokatza gainean jokatu den rallyan, bere 2013 eta 2015 urteko garaipenei gehituz.

Rally bezperako astean izandako tenperatura altuak eta euriak, pistetan zegoen elur faltagatik,  honen ibilbidea murriztea ekarri zuen arren, asteburu honetako azken orduko elurteak eta tenperatura baxuak, rallya elur eta izotz gainean jokatzea bermatu du. Hala ere, azkenik Rallyaren 21erlojupetatik 13 bakarrik jokatu dira azkenean.

Sebastian Ogier frantziarra hasieratik bukaera-arte mantendu da sailkapeneko lehen postuan, baina horrek ez du esan nahi lan erraza izan duenik Suedian. Lehenengo egunean bere taldekide den Mikelssenekin izan zuen lehia bizia eta honek erlojupeko batean akats bat egin ostean, Hyunday taldeko Hayden Paddon gaztea izan du aurkari moduan bigarren eta hirugarren eguneko ibilbideetan.

Diferentzia estuak izan dituzte bien artean Rallye osoan zehar, Ogierrek ere akats txikiren bat izan zuen, baina hala ere, podiumeko postu gorenean mantendu da rallya bukatu arte. Azkenik bien arteko diferentzia 29,8 segundukoa izan da. Podiumeko 3. tokia Ford etxeko Mads Ostberg gidariarentzat izan da, garailearengatik 55 segunduko atzerapenarekin.

Emaitza hau eta gero, Sebastian  Ogier munduko txapelketako lehen  postuan  tinko mantentzen da, orain arte jokatu diren bi probetan garaipena lortu eta gero. Hurrengo hitzordua Mexikoko rallyan izango dute martxoko lehenengo asteburuan.

Argazki galeria osoa hemen ikusgai

Suedia Rallyeko sailkapena
1 S. Ogier / J. Ingrassia (VW Polo R WRC) 1h 59m 47.4s
2 H. Paddon / J. Kennard (Hyundai i20 WRC) +29.8s
3 M. Østberg / O. Fløene (Ford Fiesta RS WRC) +55.6s
4 A. Mikkelsen / A. Jæger (VW Polo R WRC) +1m 10.8s
5 O. Tänak / R. Mõlder (Ford Fiesta RS WRC) +1m 50.7s
6 D. Sordo / M. Martí (VW Polo R WRC) +2m 24.0s
7 H. Solberg / I. Minor (Ford Fiesta) +2m 40.0s
8 C. Breen / S. Martin (Citroën DS3 WRC) +2m 44.6s
9 E. Evans / C. Parry (Ford Fiesta R5) +5m 17.0s
10 P. Tidemand / J. Andersson (Skoda Fabia R5) +5m 31.7s

 

©Rallyak.eus
info@rallyak.eus
Diseinua: Sergio Gil

Web gune honetan argitaratzen den informazio eta irudi guztien jabetza rallyak.eus-ena da.
Beraz beste edozein web gune edo komunikabidetan ezingo dira erabili, aldez aurre baimenik eskatu gabe.